【點新聞報道】港片市道低迷，今年港產賀歲片差點無作品上映，好在賀歲檔期分別有導演加入攝製，最終有《臨時決鬥》、《祥賭必贏》及《麻雀女王追男仔》，但整體票房都不盡如人意。昨日（4日）有寫電影評論的社交平台發文踩今年的香港賀歲片，張繼聰現身表達感受。
Facebook專頁「港唔斷戲」昨日發文表示：「今年嘅香港賀歲片，票房差係合理……我自己只係睇咗三套入面嘅0.7套，純粹諗住應下節，但最後都要睇到我中途離場，真係差同尷尬到睇唔曬……新年流流都要人發火，唔尊重觀眾，觀眾最後都係會離棄你。」該專頁的言論立即引起今年三部賀歲片的其中一個主演張繼聰留意，他到該專頁留言：「今次係我最後一次睇你嘅page。」
張繼聰隨後再發文：「坦誠分享內心嘅睇法，希望大家明白。」張繼聰於片中先向大家拜年，之後就講到有關專頁之事，他表示自己平時對這些都不太作回應，但今次想了一會，因為事件已經發酵，所以決定回應事件。他先指現今的電影工業正處於不理想的狀態，並言演員與影評人的關係是很重要的：「我覺得其實影評人好重要個原因係，其實我哋以前喺演藝學院讀書嘅時候，都有需要去受訓練點成為一個評論員，即係其中一個課題就係我哋要睇好多戲啊，要寫報告啊，即係學下點揀點樣去睇一套戲啊。所以我覺得影評嘅重要性就好似一個導遊咁，有啲朋友未接觸到部電影嘅本身，或者接觸到個電影嘅一啲宣傳嘅第一重，我哋係需要一啲影評人去導讀，或者睇完一套戲之後去介紹下佢從咩角度切入去欣賞一套電影。」
張繼聰指人各有自由及自己的品味，他用水果來比喻：「先撇除即係如果我做咗只蕉出嚟，你一開波你就好鐘意蘋果嘅，咁唔使講啦，即係因為你係根本上係唔鐘意蕉㗎嘛。咁但係如果你透過即係你可以解拆畀所有觀眾聽下，呢個人做咗只蕉出嚟，佢點解做一隻蕉出嚟，點解係咁樣嘅呢，佢過程係咁樣做㗎喎，即係原來佢係佢選擇咗咁樣，我到最後只蕉係肥美啊定係有少少爛喎。如果你講到過程出嚟呢，我係最開心嘅，即係其實我有時我恨都恨睇到一啲咁樣嘅一啲影評。」
（點新聞特約記者陳惠芳報道）
相關報道：
收藏
取消收藏
分享
