《唐探1900》香港首映禮　發哥籲觀眾入場撐起影業

【點新聞報道】由內地藝人王寶強、劉昊然主演，周潤發特邀主演的電影《唐探1900》，在內地大收28億人民幣，亦是中國電影史上首個破100億票房的系列電影。該片昨日（10日）在香港舉行首映，主創團隊全體亮相。該片能否帶來高票房，發哥開口希望觀眾多多入場支持。

今年內地賀歲檔，電影票房亮麗。相對港片表現不濟，對此發哥希望觀眾多多入場支持。但他補充說：「視乎香港觀眾對呢部戲嘅信心，要睇一定入嚟睇，唔睇都冇辦法。」

不少業界人士都宣稱香港電影已步入寒冬，發哥對此示傷感，他說：「我哋講番以前80年代，因為東南亞都有好多外埠票房返來，可以支持本土拍大製作電影。後來韓國、馬來西亞、越南都拍到屬於自己嘅電影，唔需要香港呢類外語片。產量由以前300幾部，到而家得番廿幾部，我覺得係有啲傷感嘅，市場係好現實好殘酷，少咗資金題材自然會窄，好多時冇政府資助都好難開戲。」

發哥更鼓勵一眾從業員：「呢條路係艱辛，要一步一步經營番係要好長時間，勉勵之。」問到發哥可有留意到新一代演員哪位比較突出？「我老友（阮惠源）個仔，梁舜燕個孫阮浩棕，其實電視台有好多好演員，但冇機會發揮。」

（點新聞特約記者陳惠芳報道）