機場驚現半百廁紙紙巾　網民猜測行李超重「一定係移民」

【點新聞報道】搭飛機行李超重怎麼辦？！有港女發文指在香港機場目睹有旅客丟走行李箱內逾50多包廁紙紙巾，在機場回收垃圾桶旁邊，堆成一座「廁紙山」，引起網民熱議。

該名港女日前於社交平台threads發文表示，「喺機場見到有人掉哂喺喼入面各式各樣既維達紙巾，雖然我屋企都用緊，但未至於要買咁多，睇嚟果個人一定係忠粉。」從其上載的相片可見，現場大約有逾50包廁紙紙巾。

至於這批「廁紙」的去向，樓主表示「有一兩個人去咗執，同時有好多人望住堆紙巾 」，「之後見有清潔姐姐即刻嚟用垃圾袋裝晒做一袋，唔浪費就好了。」她笑言「就咁睇似係買咗好多袋，之後拆開放入gip」、「如果紙巾多到超重都真係好多」。

她強調帖文並非取笑事件，「我無笑佢買紙巾啊，只係奇怪點解買完又要掉哂」；另外她表示自己不是行銷人員，並非為產品做宣傳：「親眼睇到純share~ 我並不是做marketing。」

帖文引起網民熱議，「去機場派比人都好過丟…」、「唔知堆紙巾有幾重 」、「係我就機場隨便派一人一包，大佬紙巾好貴，譚仔都三蚊包」、「去亞馬遜吖，要帶咁多廁紙」、「有用之餘仲防撞喎」。

有網民猜測這位「廁紙控」的身份，可能是移民或留學人士，「一定係移民」、「手抽裝紙巾，喺倫敦買一包要£2.5-£3。條友一定係有更值得嘅事要做，所以逼住放棄」、「我friend去留學都係帶好多紙巾，咩款都有」、「我每次返香港都會買大量Tempo，順手當避震」。

有網民則分享經驗表示，「我去外地旅行，在過關前試過送酒店拎而又未開的樽裝水俾機場清潔姐姐」、「我有家人喺機場做過清潔，佢話間中執到嘢，試過有人畀一條檸檬茶佢，話帶唔走問佢要唔要。」樓主回覆稱「我都遇過啲客因為知過唔到安檢，就當請我飲。起碼唔洗直接掉浪費咗」。