友乜唔講得｜陳欣健重提當年炒許志安鄭秀文　黄百鳴認甄子丹片酬一億

【點新聞報道】無綫節目《歡樂今宵》結緣40載的阮兆祥、梅小惠、江欣燕早前合作拍攝《友乜唔講得》今（16日）晚播出第四集，嘉賓分別是黃百鳴及陳欣健（Philip）！

本集先以「夜蒲」打開話題，原來欣欣與黃百鳴曾經一起蒲過，百鳴哥當時還教欣欣調製不易醉的「生命之水」，百鳴哥更自揭該名字的由來，原因百鳴哥曾因這「四個字」與百萬獎金擦身而過。他說：「嗰時亞視有個《百萬富翁》慈善節目版，章子怡都有參加。我編咗同章小蕙一組，原來佢好聰明，答啲問題大家好啱key；但去到差唔多最後，問伏特加又叫咩，當時我睇中『生命之水』呢個答案，但去到呢度大家意見唔一致，我哋就決定棄權，攞走幾十萬算，結果答案真係生命之水。」

多年來邀約過無數紅星合作的百鳴哥，遭梅小惠一再追問關於片酬的傳聞。第一個傳聞，是有指《家有囍事》其中一名演員索取天價片酬，對此百鳴哥大方回應是周星馳，並大爆他的片酬「犀利過張國榮」：「其實嗰時係逼住要用，因為要開喇但冇人，咁啱有個upcoming嘅，都唔諗喇，畀錢埋位啦！（片酬）係800萬，但我記得嗰時佢最多收人哋200萬。可能佢想推啦，點知我又肯畀，佢咪要做咯。」第二個傳聞是傳聞甄子丹開一億接拍《葉問》，對此百鳴哥作出更正：「嗰一億唔係港幣，係人民幣！」百鳴哥更笑言雖然子丹片酬貴，但最後仍然有賺。

至於陳欣健當年在華星任高層時，他大爆遇到的兩大事件，當中一是他上任後，有人要求他炒許志安、梁漢文及鄭秀文，Philip在節目中大爆三人當年被炒原因，當中以安仔的原因最搞笑，竟然與key太高有關。但後來Philip因有感三人唱歌很不錯，故決定留下人才。

（點新聞特約記者陳惠芳報道）