《東張》前主持移居加拿大　拍片呻經歷黑暗日子惹婚變傳聞

【點新聞報道】現年40歲的前《東張西望》主持容羨媛去年9月正式離開效力16年的TVB，一家四口移居加拿大，容羨媛亦不時在IG及YouTube拍片分享在溫哥華的新生活。不過她日前在YouTube頻道拍片表示經歷黑暗的三個月，更一度哽咽指這段時間老公並不在加拿大，自己需要獨力照顧一對仔女。

她在影片中表示，老公因工作關係而獨自留港，未能一同在加拿大生活，她需要一打二照顧仔女的起居飲食及生活，又要適應全新生活環境，她說：「有網友發現我老公一直唔喺我身邊，問我老公去咗邊，其實因為我老公有工作關係，一直都未嚟到加拿大，所以頭三個月都係得我自己一個人湊仔女，再去適應新環境。」

容羨媛指，自家仔女每天差不多9點上學，所以每天早上7點半起身煮飯，送仔女上學就要去買餸，然後回家做家務，吃過午餐後就要去接放學：「同一時間我仲要去學車，搵咗啲part time，我覺得自己真係好犀利，喺冇老公、冇工作姐姐嘅情況下，做咗咁多嘢。」

在片中，她坦言一直期待老公盡快來加拿大一起生活，更一度哽咽說：「咁耐以嚟我哋都未試分隔兩地，以前拍拖未試過Long D（遠距離戀愛），估唔到結咗婚會Long D。喺感情上，唔知道我老公喺香港會唔會搞搞震？我就話好忙啫，你唔知佢喺香港係點喎，老婆同仔女都唔喺身邊，一定係周圍去玩，夜夜笙歌，唔知佢返到嚟，我哋感情有冇變？或者會變得好唔好同？」這些想法都令她倍感不安。

經歷了黑暗時期，容羨媛透露老公終於來到加拿大：「我哋嘅感情係冇變，我哋相遇一刻係非常之感人。好開心佢而家已經喺我身邊，跟住我哋會一齊喺加拿大生活。