備戰啟德體育園開幕演出　Gin Lee斷食減肥日食一餐

【點新聞報道】李幸倪（Gin Lee）今日（22日）出席手作店開幕禮，透露將參與啟德體育園開幕演出。為了以最佳狀態示人，她正進行斷食減肥。

Gin Lee解釋，早前外出遊玩，身心放鬆吃太多，回來發現胖了2公斤，於是決定斷食減肥，現在每日只吃一餐。她又呼籲大家不要買黃牛飛：「我都好明白大家會想睇嘅心情，但一定再有機會，話唔定下次我可能喺嗰度開呢。」她又亦透露雖已申請年尾紅館開演唱會，但暫未有期，所以有可能要等到明年。

對於第46屆十大中文金曲頒獎禮，Gin Lee被預測好大機會冧莊奪「最優秀流行女歌手大獎」，她笑言對今年再攞獎都有信心，又即場呼籲大家投自己一票。

Gin Lee原來每月都會與歌迷會成員做善事回饋社會，還笑言會帶上自己新專輯與大家交換禮物，她又預告明日會與歌迷一起捐血。

這次她出席開幕禮獲手作禮感到很開心。不過，她自認手工方面麻麻，表示除了整指甲，其他手工都一般般，她還記中學時期的縫紉堂功課需要畀錢「請槍」代為完成：「個縫紉師傅好叻，一睇就知道係功課，所以唔會做曬，會留番少少畀我做。」問到有沒有整過手工給男朋友？她就否認，又言從來不會慶祝情人節：「開心嘅話日日都係情人節，唔需要特別嘅日子去慶祝（送什麼給男朋友？）送專輯囉，有血有汗。」

（點新聞特約記者陳惠芳報道）