【點新聞報道】相隔11年，王菀之昨晚（22日）再登紅館，紀念入行20周年舉行《合體–王菀之演唱會2025》。這晚劉德華，炎明熙、謝安琪、張繼聰、GIN LEE、白只、阿卵、梁仲恒、梁祖堯、湯駿業等等，均有到場支持。張敬軒擔任特別嘉賓，二人合體各自流淚，更感動台下不少觀眾落淚。
演唱會一開始，王菀之便說這是不一般紅館演唱會。第一首歌開始全場就已經企曬起身，之後她又一口氣唱了11首歌，當中包括有自彈自唱，又單獨跳了一part現代舞。此時Ivana開口跟觀眾打招呼，「我唱得咁落力，其實都可以唞少少囉⋯⋯」觀眾狂歡呼拍手不停，大叫「好靚呀你！」「好瘦」「好正」，Ivana飲住水突然就話，「我飲水濁親，養生咁耐竟然係飲水濁親⋯⋯唔凍唔熱係容易濁親，唔係40歲以上先係咁⋯⋯」對於觀眾大叫好瘦呀，Ivana回應，「你打比我教練啦，佢辛苦過我，佢train我之後，佢瘦咗。」引得大家笑聲不斷。
Ivana舉起V字手勢，笑道：「其實我想V，但係咁啱又係2，20年啦！我相信喺紅館開個唱嘅唱作歌手唔係好多，而女性唱作人就可能更少⋯⋯」觀眾即報以熱烈掌聲及歡呼聲，「大家唔好誤會，我唔係讚自己，我唔係讚自己，我唔係讚自己⋯⋯」掌聲及歡呼聲不斷，Ivana續說「我想話，冇你哋每一個支持，我又點能開到紅館演唱會呢？你哋嘅支持係令我最感動，我代表我哋成個精英雲集嘅團隊，多謝大家。我哋成個團隊都係有夢想嘅人，為夢想努力奮鬥。多謝大家揀咗人生寶貴嘅3小時，係呢度同我哋一齊合體，我係呢度祝福大家，全年大吉行好運，你哋睇我緊張到隻手係咁黏着條裙⋯⋯係時候唱一首，好早好早嘅歌送比大家。」繼而唱出成名作《我真的受傷了》。
繼而台上出現兩張對坐椅子，Ivana表示，「以下環節，我都唔想多講啦。」然後觀眾已經瘋狂歡呼，「係好特別，呢首歌送比現場每一位，送比我自己，亦送埋比佢。」繼而「靈魂伴侶」張敬軒升台，兩個人都靜默狀態，不管觀眾如何歡呼，兩人都沒說話，不對視。音樂響起，Ivana已經忍不到開始哭，軒仔跟住決堤。只有歌聲，沒有演唱會嘉賓式對話，軒仔唱完即降台，為大家合唱《下次愛你》。不少觀眾都被感動得熱淚盈眶。唱畢兩人互相擁抱，繼而軒仔吻了Ivana一下才離開。
這次演唱會，Ivana並無準備安歌，亦於完結時，跟觀眾表明係冇安歌，但最後一首歌《小俠》結束後，觀眾已不停狂叫，完場後亦不肯離開，狂叫安歌近5分鐘。最後Ivana一個人走出來，手握電話說，「多謝你地，我有少少驚，我冇預encore嘅⋯⋯好多謝你哋咁熱烈同鼓勵我出返嚟，我點解帶電話，一係你哋話我聽你想聽咩，我驚我唔記得歌詞，我成日覺得encore要係真嘅，如果冇人嗌就唔好出嚟，所以冇預就冇準備定啦。」最後Ivana自彈自唱《面具》半首，「《面具》，但20年冇唱，哈哈，上次唱係出道個陣，我真係心少少緊張，上網搵歌詞先，如果有少少甩漏，都希望你哋接收呢份禮物。」
（點新聞特約記者陳惠芳報道）
收藏
取消收藏
分享
