港男餐廳叫$64餐驚變$75　網民：同搶錢冇分別

【點新聞報道】在食肆埋單畀錢前先查單是不少人的指定動作，有港男於網上發文表示，於柴灣一家知名餐廳點了一份標價64元的餐，豈料埋單時竟變成75元，收銀職員解釋「可能落單嗰個落錯單」。樓主不服要求翻看閉路電視兼報警，對方才肯退回11元。樓主質疑餐廳是慣犯，提醒街坊要小心，「食嘢畀錢嘅時候要留意下」。

該港男日前在fb群組「柴灣人柴灣事」發文指，上周六(22日)幫襯柴灣一間知名餐廳，點了一份64元的餐，豈料埋單付款時竟變成75元，「收銀攞另1張$75嘅單嘟八達通，我問點解$75，佢話可能落單嗰個落錯單」。

樓主不滿職員的回覆，遂據理力爭，「我話唔緊要，可以睇cam（閉路電視）我食過啲咩，如果唔係就報警處理，最後佢退返現金$11畀我」。樓主質疑餐廳可能是慣犯，提醒街坊要小心，「食嘢畀錢嘅時候要留意下……唔知特登定點，成張枱得我1個人食嘢得一張單，收銀都可以嘟錯，奇奇怪怪」。

帖文引起網民熱議，有人質疑餐廳「博大霧」，「做生意唔老實，啲嘢好食到飛起都冇用」、「一個人就易發現錢碼有異，如果一家幾口去，未必咁心水清發現」；有人分享同類經歷，「我有1次都係，食個早餐，畀八達通嗰陣諗咗一下點解好似貴咗咁多，之後冇理走咗」。不過，有人認為收銀員可能是忙中有錯，犯下無心之失。