【點新聞報道】的士司機與乘客發生爭執時有發生。近日有一名的士司機分享一則「奇遇」，指接載一位師奶到達目的地後，對方竟要求將車資四捨五入，還霸氣命令「叫你找呀找啦咁多嘢講！」，變相令車資減3毫。
該名的士機在在fb群組「的士司機資訊網 Taxi」發文表示，「觀塘上咗一位師奶到順天」，對方一上車就呻「後面啲車叫佢轉彎又唔肯轉、焗住響呢度坐多幾盞燈，順天邨吖唔該司機」，其後在對話中得知師奶剛打完麻雀歸家。
從的士司機上載的圖片可見，當時正值清晨5時多，而該趟行程的車資為$35.3。然而，師奶卻直接要求「40蚊找返五蚊畀我」，司機則回應「35個3喎爭三毫子喎」。此時，師奶一句霸氣命令「叫你找呀找啦咁多嘢講！」，帖文亦就此完結。
不少網民紛紛留言，「精彩係最後一句，叫你搞就搞啦」、「以後帶毫子開工」、「的士司機，以後記得找毫子比客人呀！」、「你唔找俾佢你就罪大惡極」、「明明話四捨五入，但每次都一定收多」。
收藏
取消收藏
分享
稿件由上傳 · 文責自負 · 不代表本網立場
