【點新聞報道】走佬去英國、已執笠的童裝連鎖店Chickeeduck老闆周小龍，近日在社交平台發文話，2028年攞咗英國護照之後會返香港，結果帖文惹來「手足」負評不斷。
周小龍移英後想東山再起，搞起家居維修生意「Handeeduck」，本月初才在fb發文話自己正式成為公司的100%股權持有人，又話服務覆蓋埋Bristol喎。點知，兩日前，周小龍竟發文自爆財政出現問題，要大屋搬細屋，仲透露正密謀回流返港，「我唔係離開英國啊，我係因為財政問題，大屋搬細屋咋，我講咗2028年攞咗英國護照之後會返香港；有領事館保護我就放心返去。」
之後，他又貼出自己的香港特區護照，戴定頭盔咁話：「1997年9月4號嘅我，為成功申請到特區護照而驕傲，今日2025年嘅我，期待2028年可以攞到英國護照，靠英國領事館保護然後返香港」。
帖文惹來「手足」負評不斷，周小龍回應指返香港是情意結，但就話不過重有幾年，英國護照在手先至再講喎。
收藏
取消收藏
分享
稿件由上傳 · 文責自負 · 不代表本網立場
