友乜唔講得｜鄧兆尊因對爸爸守承諾拒追陳彥行

【點新聞報道】由阮兆祥、梅小惠、江欣燕合作拍攝節目《友乜唔講得》，今晚（2日）播出的第六集嘉賓是陳彥行和鄧兆尊。

小惠、祥仔與行姐及鄧兆尊因為拍攝處境劇《皆大歡喜》成為好友。談到拍攝該劇趣事，小惠撒嬌指兆尊從來不會「窒」行姐且照顧周到。兆尊坦言當時確是對行姐有好感，可是應承了爸爸不同同圈內人拍拖。行姐則認為與對方做朋友好過做情人：「我覺得佢對朋友好過對女朋友。」由於二人緋聞當年傳得鬧哄哄，二人爆料一度分別被肥姐及汪阿姐捉入房追問戀情，過程爆笑。

除了情史，小惠還大爆兆尊「義氣史」：「你（指兆尊）係視財物如糞土，我記得有次問兆尊借車，佢二話不說借咗架靚車畀我，點知我撞咗，你知我嗰時（失戀）情緒好波動，他竟話唔緊要啦，最緊要你個人有冇事。』我話：「『但我要整番架車』，『唔使啦，由得佢啦，車係要嚟撞架嘛。』」

各人又問兆尊「一個月要畀幾多錢家用各位太太」，兆尊指家用次次都是年結找數：「呢啲嘢一次過畀，用晒嘅再同我攞。」兆尊還透露了每位太太的家用分配，又指做得他另一半通常不會是貪心的人：「我都話喇，你（對家用）要求太高嘅，你去勞工處唔好嚟搵我喇。」

（點新聞特約記者陳惠芳報道）