劉青雲爭影帝讚許冠文同樣出色　莫文蔚聞方大同病逝感可惜

【點新聞報道】第43屆香港電影金像獎將於4月27日舉行頒獎典禮，劉青雲憑電影《爸爸》獲提名最佳男主角，直言對自己作品有信心，但許冠文是前輩在片中同樣出色，惟可惜黃子華未能入圍金像獎。

青雲讚黃子華在片中演得不錯，更言：「但呢個係選擇問題，佢絕對有機會再提名。佢係前無古人，後無來者，我拍咁多電影加埋（票房）都冇咁高……講笑……有嘅！」

對於最佳男主角提名，外界視為劉青雲與許冠文之爭，劉青雲又大讚許冠文從影多年，拍過不少賣座喜劇，今次在《破·地獄》中同樣表現出色，贏盡票房及口碑，且自己向來很尊重對方：「我好難同佢比較，佢係大、大、大前輩，我係後、後、後、後輩。」他表示作為演員固然會希望獲獎，因為整個團隊也付出了很大的努力。

提到入圍亞洲電影大獎的「最佳男主角」，劉青雲表示同樣有信心：「如果自己對自己都冇信心，點樣要求人哋對你有信心」，並指分別來自不同國家的幾位入圍演員也相當有水準。

而莫文蔚久未跟青雲碰面，回想對上一次合作更是20、30年前的事，希望有機會再跟對方合作拍戲。近年主力作巡迴演唱會的她，透露已入紙申請啟德體育園主場館，希望能在新場作為香港站表演場地：「本身我個騷《THE BIG BIG SHOW》，會喺每個城市搵最大嘅場地表演，啟德喺各方面都同個騷好配合，係Perfect！不過聽講今年檔期已經爆滿。」她表示老公會陪她到不同地方開騷，順便可以學普通話，笑言老公的普通話可能比大家更好。

談到歌手方大同不幸病逝，莫文蔚表示一直也很欣賞對方：「佢係一位完全熱愛音樂嘅創作人，係好難得，同佢合作唔多，但上一張專輯特別邀請咗佢幫我創作咗一首歌。」她坦言近年也有聽說過對方的身體不太好，但沒想過走得這麼突然，對此感到很難過及可惜。

（點新聞特約記者陳惠芳報道）