燒臘店買$130「下庄變上庄」　港女呻食唔到仲搞到成肚氣

【點新聞報道】食燒味梗係要啖啖肉！有港女早幫襯小西灣一間燒臘店買130蚊燒鵝下庄，點知返到屋企見到全是骨頭，氣得他立即落舖頭理論，對方仲要唔認賬，最後要報警處理，大呻「食唔到仲搞到成肚氣」。

有港女在fb群組「香港茶餐廳及美食關注組」發文大呻中伏經歷，指早前幫襯小西灣一間燒臘店，以130元購買外賣燒鵝下庄，惟回家打開一看發現「全是骨頭」，形容「下庄變上庄」。從樓主發布的相片可見，盒內大部分都是頭頭尾尾的骨位，只有皮連着一點肉。

樓主於是返回燒臘店理論，點知對方竟然唔認賬，「最嬲係係落到去唔認賬，初初話唔係佢度買嘅，之後又屈我哋話要求要頸係呀係呀，總之一言難盡，仲主動話你咪報警囉，報消委會囉」。

樓主遂報警處理，在警員勸說下，最終成功獲退款，「初初死都唔認，我哋先會嬲，後來幾個員工都認啊 話係佢度買嘅」、「我哋都話要拿個cam出嚟睇，差佬都費事煩嗱嗱臨處理咗，佢係咁勸算啦」、「差佬叫舖頭退錢處理」，最後該店老闆娘才無奈退款了事。警察事後給予樓主報案編號，建議可往消委會投訴，「俾咗個報案編號我哋，叫我哋去消委會投訴」。

樓主表示，自己是第一次幫襯，到燒臘店投訴時才知是黑店，「落到去先聽到好多街坊話間嘢經常呃人，平時都唔會幫襯」，樓主批評「呢啲咁嘅無良商人」、「唔明咁嘅舖頭點可以生存咁耐」，故決定公開事件呼籲「大家唔好去幫襯」。

事件引起網民熱議，不少人直斥燒臘店離晒譜，「呢度點值130蚊」、「分明行騙啦，哩堆野似10蚊比人送燒酒果堆」、「似一堆廚餘多啲」、「好黑喎，直頭係詐騙」、「今時今日佢真係呃得好誇張！」、「咁真係好搵笨,,當人傻架？」、「跟本就係垃圾一盒，搵笨實搵到出晒面！」、「通知埋親戚朋友，隔離隣居以後唔好幫襯，就係最懲罰。」