【點新聞報道】唔少人對日本生活充滿幻想，有一對港人夫妻不惜裸辭，雙雙心口掛住個勇字就移民去日本，結果不出四個月就已彈盡糧絕，在網上嗌晒救命話「唔夠生活費」喎，於是想搵網民課金畀佢哋繼續喺日本追夢，被不少網民鬧爆「網絡乞衣」、「人無恥真係無L敵」。
話說這對港人夫妻不時在其經營的YouTube頻道 「Brian在日本住」分享到日本追夢/創業影片，惟近日透露裸辭移日4個月後，兩人在日本的生活費快用盡。咁點，佢哋話為咗能夠繼續追夢，於是開設會員制，呼籲網民可以根據每個月願意支付的金額而加入其頻道，收費分為三級，包括「支持我們留日創作每月HK$50」、「大力支持我們留日創作每月HK$100」以及「資助Brian換制服每月HK$800」。
有網民睇過影片後總結指，「Brian哥哥兩公婆想留喺日本生活但又唔想返工，想靠拍片生活，依家諗到一招：用追夢包裝自己想做網絡乞衣嘅事實，希望大家多多課金支持」。唔少網民留言鬧爆「憑乜人哋一定要支持你實現夢想？實現夢想故知然係難，但唔靠自己去實現夢想咁同乞食有咩分別？」、「可能很難聽，靠自己努力成功的叫理想，靠別人成功的叫施捨，請不要侮辱理想，這個詞還是比較高尚，要求別人的，真的不配用」。
有網民直指「簡單一點講哂，你係想不勞而獲」、「根本返part time賺錢幫補，其餘時間拍片先係最好，唔好話乜有違創業初衷，根本就係懶惰同mind set有問題」、「好心你2個就唔好咁乞兒啦，想唔做嘢要人課金，你憑咩要人課金畀你周圍吃喝玩樂？仲講到要課金畀你，你啲片嘅質素先會提升？人無恥真係無L敵」。」
有網民直指三個會員等級收費貴得驚人，「唔係唔畀你開會員制，但係香港人不是韭菜畀人任割，老實講，你哋兩公婆有手有腳，點解唔考慮做吓part-time嚟支持自己拍片嘅支出，而係選擇問觀眾要？」、「一個月八百蚊會員制，你真係搞笑，每個人返工都好辛苦搵錢，點解要成就你呢D不學無術嘅人，拍啲片來來去去都係咁，又悶又剩，求其去個公園坐低癈UP下就算，仲有，你要記住你哋係拿working holiday visa (其實你驚唔驚人哋去告發你㗎啫)，但就對working好反感，又教人去攞MPF，呢D真心教壞細路，做人偷雞摸狗，做乜啫你哋其實，一啲正面作用都冇!!!!!」
收藏
取消收藏
分享
