【點新聞報道】「第31屆香港電影評論學會大獎」頒獎典禮昨日（6日）舉行，劉青雲憑《爸爸》獲「最佳男演員」，這也是他演藝生涯中在評論學會五度稱帝。最佳女主角由談善言憑《虎毒不》奪得，執導《爸爸》的翁子光獲「最佳導演」獎。
青雲五度稱帝覺僥倖
劉青雲對於五度於評論學會大獎榮獲影帝，笑言僥倖：「無可否認我自己係成熟咗，《爸爸》呢部電影同我以前拍嘅戲唔同，謝票嘅時候見到現場好多觀眾好傷感，有唔同觀眾向我分享睇完之後對自己經歷有釋懷嘅感覺，係我以前拍嘅戲冇試過嘅。」更笑言經過學會的點評，似乎更有內涵：「經過評論學會嘅朋友評論我嘅演出，突然間覺得自己有內涵，其實個內涵係嚟自導演嘅！」
Sammi冀再同青雲合作
為評論學會大獎擔任頒獎嘉賓的鄭秀文，在台上頒發「最佳導演」獎時表示有興趣與翁子光合作，翁子光表示榮幸：「佢好客氣，係我想同佢合作，因為佢真係一個好好嘅演員！」至於題材上，翁導表示：「正如我同劉青雲傾計，我都係會諗香港電影依家可以拍咩呢？我哋仲有咩可能性？希望多啲人一齊諗！」劉青雲相信與鄭秀文事隔多年再合作會好好玩：「大家喺唔同嘅階段會有唔同嘅表現，上次合作都一段時間之前、呃唔到人喇，頭先個編劇話佢8歲睇Sammi，而家再合作一次應該好玩。」
翁子光奪獎信心無增加
翁子光在頒獎台獲「最佳導演」獎期間，特別鳴謝聯合導演區焯文。他表示這次獲獎並未增加他在金像獎奪獎的信心，對於曾經和他合作的劉青雲、許冠文與郭富城在金像獎均提名影帝，他說：「我覺得一齊提名嘅唔係對手、應該係朋友嚟，大家都希望香港電影有新嘅可能。」
Sammi讚談善言演技大進步
擔任頒獎嘉賓的鄭秀文，於台上致辭時讚揚五度奪得影帝的劉青雲：「我要向前輩（劉青雲）學習，要睇齊先得！」亦鼓勵首獲影后殊榮的談善言：「同阿談合作嘅時候，你當時比較新，見到你有好大進步，我自己做演員咁多年都要繼續努力！」鄭秀文亦透露目前正在籌備電影新作，雖然暫時未能分享詳情，但期待自己迎來突破，亦表示與香港電影共渡時艱：「希望電影業各位繼續無私心、努力付出，希望能夠走出寒冬！」
談善言拍戲沒想過同獎有關
談善言笑言直至上台一刻才有得獎的緊張感：「我係上台前眼濕濕，叫自己唔可以喊！」談善言從影以來首獲影后殊榮，她直言：「我從來都冇諗過自己會同任何獎項有關係，做演員真係冇諗獎項，直到做《虎毒不》之後發覺，原來可以有關係！」談善言在香港電影金像獎上提名影后，她說：「兩方不同投選獎項機制下，未能預測得獎可能性。但我更期待能與劉青雲合作。」
（點新聞特約記者陳惠芳報道）
相關報道：
收藏
取消收藏
分享
