【點新聞報道】乘搭公共交通工具時，乘客應保持車廂清潔。近日網上瘋傳一段影片，可見一名老伯在巴士車廂內公然剪指甲，被乘客拍片勸阻時，還爆粗怒罵更以指甲碎威脅，「攞畀你睇吓！」。不少網民都怒斥阿伯無公德心，「真係好核突」。
有網民在社交平台threads發文表示，「CXS成日都話咩唔係老人變壞，係壞人變老，今日終於比我見識到了。我家姐今日搭巴士見到呢個伯伯喺巴士度剪指甲，本身都諗住唔影佢，但係嗰啲指甲聲大聲到痴線」。
從樓主上載的影片可見，其家姐正勸在剪指甲的老伯:「你整到成地都係喎」，老伯頓時非常激動以粗口還擊，「X你老X，邊到呀！」樓主家姐立即指着地下說:「呢到呀，你睇唔到啊！」。阿伯即指着地下指甲碎:「你落去呀！攞畀你睇吓呀！」樓主家姐表示會向車長報告，阿伯反要求樓主家姐落下層找車長,「你落去呀！」樓主家姐反問:「我仲乜要落去！我依家話畀你聽，呢個係公德心嘅問題！」
此時阿伯惱羞成怒，大聲反擊「你好道德呀，讀咗幾多年書咁巴閉呀！」、「Ｘ你老X唔鬆化，啊你都夠寸」、「吹咩」。樓主家姐反駁:「你讀咗幾多年書係㗎車到剪指甲咁巴閉呀！」、「我吹你唔漲，呢個公德心問題啊嘛，唔係話特登去話你，你條褲、你張櫈、成個地下都係（指甲碎）」，不料老伯破聲大罵「收聲啦，嘈住曬」，繼續專注剪指甲及磨指甲。樓主家姐其後再追問，老伯亦懶理。
影片引起網民熱議，不少人大讚樓主勁高EQ，指她非常勇敢發聲，「要大力表揚正義的乘客」、「你態度好好，我好欣賞」、「你家姐好叻啊！見到你女人仔一個，呢啲僕X會得寸進尺」、「做得好！支持！我平時都會開聲叫人唔好剪指甲」。
不少網民則怒斥阿伯的無公德心，「真係好核突」、「係好興喺車度剪指甲，完全唔理解，點解要專登帶個指甲鉗，在專登喺巴士度剪」、「點解唔留番系屋企剪⋯」、「巴士垃圾其實係要罰錢，指甲碎都係垃圾，定額罰款，一塊塊同佢計」、「剪完指甲啲指甲彈到周圍都係，邊個同佢執手尾？」。另有網民指近來廣播新增一句「請勿剪指甲」，「有無人留意到而家廣播加多左句請勿剪指甲」、「巴士出咗告示唔可以剪指甲㗎喇喎而家」。
收藏
取消收藏
分享
