壽司郎天花燈管驚現老鼠　經理勸食客唔好影相

【點新聞報道】外出用膳，最怕遇到老鼠！近日，有網民在壽司郎發現老鼠蹤影，兼被經理勸說別拍照，「食到一半個經理仲叫唔好影相」，影片引起網民關心區內的衞生問題。

有網民2日晚在社交平台threads發文，寫道「樂富壽司郎，隻米奇好食好住」。從其上載的影片可見有一隻老鼠在店內的天花燈管上走動，而且老鼠體形十分巨大，毫不怕人。事主補充，用餐期間，經理還出言勸說別拍照，「食到一半個經理仲叫唔好影相」。其後，壽司郎於當晚在官方賬號發出樂富店需進行店內調整的公告，分店即時提早閉店。翌日再發公告，指樂富店將如常營業。

影片引起網民熱議，不少人聯想到電影《五星級大鼠》，「人哋係大廚嚟」、「其實有冇一種可能，佢係主廚？」、「主廚巡舖唔好影」、「好大隻呀」、「好肥美」。

另有網民關心區內的衞生問題，「樂富本身好多老鼠，垃圾站嗰邊養咗好鬼多」、「街市嗰邊夜晚成個米奇樂園咁」、「係成個樂富區都好多老鼠 」、「上次喺隔籬冰室食嘢飲兩隻米奇喺我頭頂上面跑步比賽，睇嚟樂富幾多老鼠」、「其實老鼠可以走好遠，嗰區有鼠患應該報食環同議員處理，有啲餐廳有假天花睇唔到老鼠」。