港媽一家三口拎50萬移英　網民：窮到咁唔好嚟

【點新聞報道】移民好現實，無錢都唔使諗喇！有港媽打算一家三口移民英國，但身家只有70萬，七除八扣後，更只係剩得50萬，但仲好意思問「在當地生活是否會很困難」。不少網民直言「窮到咁唔好嚟，唔係移民係叫難民」、「幾十萬一輸就返唔到轉頭」。

該名港媽在fb群組「香港人移民英國資訊分享」發文求教，話自己在香港是做服務業為主，現時一家三口想移民，小朋友今年3歲，未扣除申請簽證及機票的各樣費用，有70萬左右資金，惟如扣除各樣開支，就只餘下50萬元，遂問網民「在當地生活是否會很困難」。她更列出四個心水生活地區，包括Birmingham、Reading、Sutton及Coventry，問哪一個城市會較適合生活。

不少網民勸樓主唔好發移民夢，「窮到咁唔好嚟，唔係移民係叫難民」、「stop dreaming ,it just won’t happen if u don’t pay enough taxes（別做夢了，如果你不繳足夠的稅，係唔會發生）」、「雖然難聽但係講事實，而家環境嚴峻咗」、「幾十萬一輸就返唔到轉頭」、「五十萬頂唔到Reading Sutton」等。