驚見「頭7」載客巴士　網民：真係大吉利是

【點新聞報道】真係大吉利是！近日網上流傳1張相片，有九巴路線顯示屏故障，僅顯示到「頭7」兩字，無論向左讀還是向右讀，都令人爆笑。網民紛紛笑言「點讀都死」、「回魂夜專用」、「真係大整蠱」、「邊個敢上，靈車一樣」。

有港男於fb群組「是日快快-巴士即日相」發文並上載一張照片，帖子題為「塊電牌...啋！」。從照片可見，一輛正在行駛由大埔 (富善) 至九龍城碼頭的75X九巴載客雙層巴士，因電子顯示屏幕出現故障，中文字只剩下「頭7」兩字。而車頭玻璃則貼上一張手寫「75X」的巴士路線，即來往大埔（富善）和九龍城碼頭；左下角亦貼有一張「公眾活動，本班車臨時改道」告示。

帖文引起網民熱議，「壞都壞得衰過人」、「向左讀向右讀都正」、「左右都通，少見」、「頭7又得，7頭又得⋯得咗」、「邊個方向，點讀都死」、「今次真係7咗」、「九龍城碼頭74X，完美演繹斷章取義既精髓」、「架車退役咗一個星期，今日頭7啫」。

有網民笑言唔會乘搭該輛巴士，「邊個敢上，靈車一樣」、「紙做嘅？」、「我等下一架」、「物以類聚我都係唔上住」、「回魂夜專用」、「真係大整蠱，頭七！真係大吉利是過你，搭呢架車真係要回家跨火盤先可以洗衰氣」、「好心停咗個牌，人地鬼知你壞D乜」等。