【點新聞報道】「關愛座」又變成「批鬥座」！網上流傳一段影片顯示，一輛過海城巴行駛期間，一名大媽不滿年輕男子坐關愛座，當場指罵，年輕男表示自己是傷殘人士，但大媽竟要求他出示傷殘證。一名熱心男乘客代為抱不平，但大媽仍死撐「我唔知佢係跛，又無拎枴杖」。
有網民在fb群組「香港交通及突發事故報料區」發文表示，4月12日中午坐970綫過海城巴往西隧口時，一名操不純正廣東話的大媽懷疑不滿年輕男子坐關愛座，所以指罵對方。該名男子表示自己是傷殘人士，但大媽仍要求他出示傷殘證。
一名熱心的年長男乘客出聲抱不平，表示現在很少年輕一代會坐關愛座，人家都已經解釋自己行動不便，何必逼人出示傷殘證。然而，大媽堅持自己做法沒有問題，「我唔知佢傷殘，問佢攞傷殘證有乜問題」。最後，年輕男子出示傷殘證後下車。
樓主在帖文提到，「在熱心乘客表達自己都行動不便及患有癌症時，該女子不斷用『跛』及『受詛咒』去攻擊熱心乘客，其涼薄程度令人髮指。」樓主表示睇到一半真係忍唔住大叫一句：「收聲啦，八婆」，強調關愛座只係有需要人士優先，唔代表無需要就唔可以坐。
從樓主上載的影片可見，當時巴士上有許多乘客站立，該名傷殘的年輕男子已經下車，一名年長男乘客代為抱不平，出聲駁斥該名大媽，指「後生仔都唔敢坐呢啲位」、「我上車都無位，後生仔讓咗畀我」、「一百個（後生仔）有一百個都讓坐」。大媽否認自己罵人，「我無話佢坐呢個位唔啱，你係咪聾㗎？」，男乘客即反駁指，「你有話佢喎，我聽到喎！你要佢畀證你睇喎！畀傷殘證你睇喎！」，大媽反指「我唔知佢跛，又無拎枴杖，我點知佢係咪跛」。
不少網民看後都批評大媽言行，「憑咩問人拎證睇？根本唔需要證明」、「騷擾司機揸車，為咗乘客安全，車長應該趕佢落車！」、「一於取消關愛座啦，增加社會矛盾」、「批鬥座，取消啦」、「讓是人情，不讓是道理」、「常識真係唔係個個有，關愛座係俾有需要嘅人坐…唔一定要傷殘先坐得～」。
另有網民讚揚該男乘客代為出頭，「多謝啊叔出聲」、「正義大叔講得好啱」、「呢啲正義乘客就抵讚喇！」。
收藏
取消收藏
分享
