愛回家｜根叔炒公仔疑「抽水」Chiikawa黃牛風波　監製親揭編劇「神預言」

【點新聞報道】TVB處境劇《愛·回家之開心速遞》前晚（16日）播出一集的《睇場Show，可以去到幾盡！》，講到熊樹根（劉丹飾）與素素（古佩玲飾）排隊搶購爆紅的潮玩公仔「BABOBO」，全因根叔想掃貨轉賣賺錢，但最終因答不出與「BABOBO」有關的問題 ，導致排隊炒賣計劃泡湯。另素素為了能買到偶像GDP的告別演唱會門票，逼風少（陳浚霆飾）背熟GDP資料為搶票做準備，可惜搶票當日卻因門票秒速被黃牛黨掃空而大感氣憤。

劇集播出街後，引起大批網民「洗版式」討論，直指故事內容與近日發生的「黃牛排隊黨」買潮爆公仔時、因噏錯名而被請離場的事件，並大讚劇組緊貼時事。「呢集效率勁高，跟得好貼地」、「好update，笑死我」、「呢集幾時拍㗎？太緊貼時事了吧」，更有網民懷疑會否是《愛‧回家》編劇「神預言」。

對於網民種種迷思，劇集監製梁耀堅指前晚一集其實早於上個月已拍好，故此排隊劇情其實是「神預言」，梁耀堅說：「其實好難買飛呢件事不嬲都存在，所以我哋就度咗呢條橋，呢個真係創作同現實事件咁啱對上咗。」梁耀堅續說：「因為編劇知道有時買韓星或台星演唱會飛係要答問題嘅，所以我哋就將個狀況放咗喺買公仔度，就係咁啱得咁橋。」對於劇情牽涉「黃牛黨」，梁耀堅坦言《愛‧回家》創作方向也是想盡量貼近社會環境及民生時事：「炒飛、炒玩具已經係依家一個社會風氣。」

（點新聞特約記者陳恵芳報道）

相關閱讀：

Chiikawa限定公仔發售吸千人排隊　店員一招KO「黃牛黨」

（有片）Chiikawa粉絲逼爆海港城　主辦方捱轟警維持秩序