【點新聞報道】周星馳作品《少林足球》昨日（18日）舉行放映會，並請來「三師兄」田啟文在會後作分享。而由田啟文監製，鄭中基自導自演的電影《阿龍》上畫日期一改再改，被猜測是否和鄭中基突傳婚變有關。
對此，田啟文表示，電影原定今年4月17日上映，後來因要遷就內地映期改到6月19日，怎料遇上鄭中基家事。他提到，之前鄭中基曾跟他電話聯絡商討電影宣傳，對方未有提及家事，他也沒有過問。不過，對於電宣傳他要重新評估：「到底係咪完全唔做宣傳，定係可以點做呢？都知媒體話宣傳電影，大家心照會講花生嘢多，而家都考慮緊應該要點樣做。趁這機會想傳媒幫下手，如果最終安排到，大家可否平衡下唔好淨係講家事，因為部戲確實好有心同誠意去拍，好值得支持。暫時我哋都相約好假期後出來傾宣傳事。」
田啟文早前提出拯救戲院方案，一部電影分別推出戲院版和串流版，要看戲院版就要入戲院才看到。他稱就計劃正在跟各方洽談：「因為戲院設備要調整，拍攝上都要改變，我哋唔係要顛覆原有的模式，只係想區分戲院版本同串流平台版本，等大家在市場上作出選擇，讓電影人有多個方向揀，唔係只喺喊救命。我哋更加希望件事可以在香港開始，做第一個執行人，因為如果由美國或其他國家做先，對香港都冇好處，希望由我哋啟動，預計年底前可達成共識。」
（點新聞特約記者陳惠芳報道）
相關報道：
收藏
取消收藏
分享
稿件由上傳 · 文責自負 · 不代表本網立場
