【點新聞報道】呂爵安（Edan）過往喜歡以直播方式與「爵屎」溝通，昨晚（20日）工作後回家，邊食宵夜邊直播，與爵屎溝通長達差不多個半小時，更剖白心聲過去不開心，有關和林明禎緋聞，更man爆護花。
Edan說：「過去半年經歷了很多事情，又提半年前發生事情時，很想透過直播與大家溝通，因為直播向來是與爵屎溝通的模式，自己亦喜歡這種獨有的連繫。最後因身邊的人勸告而未有直播。Edan雖未有指明半年前是什麼事情，但估計是去年11月被影到與林明禎台灣行夜市一事。
Edan說：「講到尾都係驚，驚會失去 。因為嗰一次意識到我會失去啲嘢、影響啲嘢。」之後他續說：「呢半年都幾封閉自己，好綁手綁腳、好多人指指點點，一直好多內心鬥爭，唔知點好。」而當他早前重溫第一次solo演唱會，看到自己曾在台上講「ED偶像」，有感自己當時初生之犢不畏虎，但後來才發現自己太天真、想法太簡單。「原來我口口聲聲話唔驚，原來我都係會驚，唔夠堅定，未知自己想要咩、成為咩人。過去半年過得不開心，一直以為自己很理性，但原來也會emo。」
Edan更強調這次直播是為爵屎而開，因為爵屎是他重視與珍惜的人，以後只要互相關心對方，無需太理會別人。「對你哋、對一直發生咁多年仲喺度嘅你哋，可以打返開我個心，勇敢啲踏出呢步，想直接同你哋分享我經歷嘅事情，做返我想做嘅Artist。」Edan表示如今工作能支持自己的生活，擁有夢寐以求的東西，但卻越來越迷惘，亦沒有特別感到開心，這或許是入行7年不自覺累積下來的壓力。
至於緋聞事，Edan亦在直播中向爵屎直白地說：「佢係我身邊好重要嘅人，我性格唔希望見到呢啲，同埋我覺得同你哋講咗，同你哋無呢個誤會，以後出面點講，我都唔需要再講咩，我淨係care我想care嘅人。」Edan解釋收到DM（私訊）用十分難聽的字眼罵林明禎，又曾見到有網友說新歌是為林明禎而寫，但並非事實。
（點新聞特約記者陳惠芳報道）
收藏
取消收藏
分享
