陳芷盈夥何晉樂Rap玩突破　森美擘大個口讚好

【點新聞報道】《中年好聲音3》昨晚（20日）播出一集，由獻唱《許願》的張與辰及姚焯菲獲得最佳分數95分，而本集由森美選出的MVP得主，則是以往唱出過不少佳績的陳芷盈。

芷盈今次憑與何晉樂合唱的《誰明浪子心》奪得高度評價，除了因為二人默契十足，還因陳芷盈跳出Comfort Zone玩突破挑戰說唱，另外她與何晉樂的超高音開場，也給出了一定的記憶點。

肥媽點評，「好高興睇到芷盈力量型，好surprise芷盈可以Rap到。」海兒表示，「個balance做得非常之好，good job。」而森美就評價，「我聽到擘大咗個口，Rap好容易好老土，但你一啲都唔老土，好有型。你能夠衝破到自己就要加分喇，你做到嗰種我要表演畀你睇，我唔怕我係咪做得到，呢個想表演嘅心我哋係睇得到嘅。」

對芷盈讚不絕口的森美，最終亦將MVP頒予芷盈，而首奪MVP的芷盈自然相當激動，並含淚感激所有支持自己的粉絲及網民：「今次我Rap，係一個好大嘅突破嚟。呢段日子真係唔容易，因為屋企人入院、成日都來來回回，都唔夠時間練習……同埋我想多謝我嘅Fans同網民朋友，因為好多同學仔成日都話好想我攞MVP，今次我得咗喇。」

另一贏盡好評的演出，還有李金凱/冼靖峰的《甲乙丙丁》，friend到不得了，二人還親密到一支咪兩份唱。「手緊王」周國豐亦笑言不能不給高分：「你哋真係好享受，而你哋享受之餘，亦令到我哋都好享受，呢樣梗係值高分！」周國豐更笑言二人的演出似「開篷車」。

（點新聞特約記者陳惠芳報道）