移英吳日言三母子高燒不退　「嗰一刻真係喊咗出嚟」

【點新聞報道】已一家移民英國的過氣歌手吳日言，近日分享一家人在英國患病的經歷，她與兩名兒子先後染病，她最終被送急診留院觀察，直言「嗰一刻真係喊咗出嚟」！

吳日言日前在社交平台發文表示，「你知唔知道我屋企藥箱有幾大？假期無醫生睇，唯有keep 住食高燒加低燒藥，我哋三母子差不多清空成個藥箱。終於等到GP（家庭醫生）見我地（哋），結果……都係叫我哋繼續食退燒藥，激鬼死人。我已經係一個病人，仲要照顧兩個病人，過了兩日……連我都燒到40℃，血含氧量降到83，老公即時帶我去睇急症。」

吳日言續指：「驗血再驗血，照肺，心電圖，撩鼻……醫生話我肺部有感染，但係未知邊一隻菌，需要留院觀察。除咗生仔入醫院，我真係第一次因為病而要留院觀察，仲要係英國，知道果（嗰）一刻真係喊咗出嚟！」

從其上載的照片可見，41歲的她非常憔悴模樣，感冒期間還要照顧兩個兒子，兩個孩子躺在她的懷中休息，其中一名兒子額頭貼上退熱貼。吳日言在送院後，更一度需要戴氧氣罩吸氧氣。

不少網民留言祝福她們母子早日康復，亦有人笑言「你病到咁仲玩到手機呀」、「仲自拍到，無事嘅」、「又影相，又交代到咁多嘢，邊度會有事吖」、「呃Like怪」。