移英港人圈爆內訌　網民：遲早會玩死自己

【點新聞報道】英國港人移民圈最叻嘅就係圍爐取暖，經常口口聲聲話係「香港人」，但就經常搞分化、打壓不同意見者。有移英港人發文直言睇到心淡，話一路咁樣內訌、自我分裂落去，遲早會玩死自己喎。不過，帖文反而惹嚟同路人狂嘲，「唔好用香港人嚟道德綁架啦」。

該名移英港人在社交媒體上一個移英港人群組發帖，表示「最近睇得多『香港人打香港人』嘅post，真係覺得心淡。你鬧我、我鬧你，一句話唔啱聽就即刻出post開火，啲匿名account仲成日煽火點火，好似永遠都唔想人平靜咁。講真，遲早會玩死自己。」

樓主直指英國本地人對香港新移民感不滿，「而家已經有唔少本地人開始對新嚟嘅香港人有意見，覺得我哋搞亂咗呢邊嘅秩序、文化同人際之間嘅Respect」。樓主認為內訌只會自尋死路，「一路咁樣內訌、自我分裂落去，到最後整爛嘅只會係我哋自己條路。」

樓主慨嘆「移英唔易，生活唔簡單」，語重心長地勸說「不如將力氣擺返喺點樣互相扶持、點樣喺新地方建立尊重，而唔係日日人踩人。」

結果帖文引來反效果，不少同路人留言嘲諷，「本地人先唔理你哋，唔好諗自己咁重要，香港人鬼打鬼好正常，同埋好多都係扮香人搵食」、「互相恥笑、指罵、製造分化、唔團結係香港人特色嚟」、「唔好用香港人嚟道德綁架啦... ...」、「以你嘅邏輯，乜都唔好拎出嚟講」、「你宜家咪鬧緊香港人囉」。