外賣丁麵加$2「分湯」要自行沖泡　網民：去超市買無咁嬲

【點新聞報道】不少人外賣都會要求分湯，近日有網民外賣$47「自選粉選餐」轉出前一丁，並加2元要求「分湯」。其後打開外賣發現「分湯」外賣碗只有約4分之1的清水，再附送一包調味粉，樓主不禁驚訝地問「分湯原來係咁嘅意思？」

該名網民在社交平台threads發帖問道：「分湯原來係咁嘅意思？」。從其上傳的2張照片可見，他經由外賣平台於餐廳點叫1個火腿絲自選粉麵套餐，加4元轉為前一丁麵，套餐包括腸仔煎蛋、牛油方包（烘底加1元）、以及1杯凍檸檬水；而他下單時亦額外加了2元要求「分湯」，即是將麵條以及湯底分開2個碗。

然而，當他打開外賣時，卻發現「分湯」竟是將麵條以及配料放在1個碗內，另一個碗則只有約4分之1的清水，再附送1包出前一丁個味精調味粉，要食客自行沖泡。樓主抱怨，「我唔expect佢係粉水分離…以後唔會再咁嗌」、「清水嚟到已經凍哂，仲要得4分1 」、「已經俾咗一丁$4，其實自己落粉點解仲要加⋯ 」。

帖文引來網民熱議，「唔出奇，有啲出前一丁湯底真係滾水嚟，唔係雞湯底」、「你加咗$4 比佢，佢要證明佢係出前一丁」、「去超市買包出前一丁無咁嬲」、「分湯要加錢wt_ 仲要熱水都唔比你」、「不如屋企自己煮好過」、

有曾在茶餐廳工作的網民就留言表示「以前返茶記做水吧d師傅都係咁做」，解釋指「正常都係畀滾水，原本茶記開嘅雞湯就鹹，再落埋粉個湯就鹹到X街，可能個味都變到怪Ｘ埋。但唔畀包粉，又會畀人X都唔知有無真係幫我轉咗丁，所以多數都係出滾水，再自己落粉。」