友乜唔講得｜曾捱餅乾爭取休息　米雪爆發哥好調皮

【點新聞報道】阮兆祥、梅小惠、江欣燕早前合作拍攝節目《友乜唔講得》，本周日晚（27日）嘉賓是「青春嘅秘密」米雪。她大談入行超過60年的點滴，除自爆曾揸大膽車外，又踢爆周潤發調皮一面。

米雪於1969年透過報讀邵氏影視藝員訓練班入行，問到曾與不少Legend級男藝人合作，哪一位讓她最難忘或最難抽身，米雪大爆是《蘇乞兒》的周潤發：「發哥佢好鍾意玩㗎，當時有個小朋友演初三（馮志豐飾），發哥成日整蠱佢，成日除佢條褲！」想得興起的米雪，還大爆有一次拍攝出海戲份時，漂到海中心的發哥被劇組徹底遺忘的有趣往事。

小惠提到親姊梅小青經常稱讚米雪對前輩級藝人很有心，米雪謙稱自己初出道時，全靠台前幕後一眾前輩提攜及照顧才薄有成就；最難忘是曹達華對她的疼錫：「我細細個十幾歲就出嚟（做嘢），全部靠同事同前輩教，嗰時曹達華見我滿面暗瘡又唔夠瞓，就話『乖女沖個花旗參飲』，一係就叫我飲菊花茶，嗰時我就知道我哋乖就會多人錫。同埋有時半夜三、四點收工，佢（曹達華）畀我揸佢架美國Continental，由廣播道揸到返去太子道屋企練車。」翻查資料，當年一部Continental售價約20萬港元，而當年一層太古城單位售價約為60萬港元，曹達華對米雪的疼錫及大方可想而知。

談到全盛時期工作密密麻麻，米雪透露曾試過十天沒有睡覺，當時為了爭取休息時期，只以餅乾填肚：「我叫監製畀我拍完快啲走，佢哋就將啲屋企戲同街景全部谷晒十日裏面拍。我最記得我拎住盒餅，人哋放食飯我就瞓覺，總之一得閒就即刻瞓，嗰時直頭隔離打緊麻雀都完全唔覺嘈。」

（點新聞特約記者陳惠芳報道）