港女坐巴士「瞓過龍」被困車廂　幸獲車長回來打救

【點新聞報道】許多人都試過坐巴士睡覺，醒來後已不知身在何方。有港女近日發文表示，自己在巴士上睡着後，錯過下車時機，最終被鎖在車內，好彩最後獲車長回來打救，帖文更釣出一班有相同經歷的爛瞓豬。

該名女子在社交平台threads以「巴士奇遇」為題發文，表示「太荒謬了，一起身發現自己起巴士俾（被）人困住了」。從其上載的影片可見，車內一片漆黑，車門被鎖上，顯示器標示「暫停服務」。她在影片中說：「喺樓上度瞓着咗，之後個車長唔知，我而家被人困咗喺巴士度。人生第一次，荒謬至極」。她又指，自己敲車窗及車門都無人回應，十分非常無助。

樓主解釋，自己是因為「太攰唔舒服」而「瞓過龍」，最後好彩獲車長回來打救，「最尾個車長返嚟返返工，佢見到我應該嚇親，以為我係巴膠問我點樣上架車」。樓主苦笑指「經過這次經驗，學會下次咁嘅死樣都係去搭的士吧」。

帖文引來網民熱議，有熱心網民分享逃脫方法，「車門頂有個掣，開完記得閂返佢。出面個制嚮車門側邊。」有人則建議「巴士雖然停駛，但有冇可能去試下搵個巴士響咹掣呢？一響咹一定有人聽到㗎！再唔係咪用手機搵人求救囉！甚至報警囉～」。

另有不少網民分享頪似經歷，「我試過一次跟住又唔夠高撳門頂個掣困咗好耐，跟住見到有路人行過我揮手希望佢睇到我，但佢可能以為我係女鬼佢急步走咗...」、「試過有次瞓死咗，到總站有個好心哥哥拍拍我膊頭、望望我、默默地走咗。人間有愛啊」、「我都試過，嗰日訓練完太攰喺巴士瞓着咗，當我醒咗啲人走晒，望出窗口見到巴士維修檢查站。後來落去下面見到司機仲喺到，好彩司機好人車返我去屯門西鐵總站」、「我都試過！嗰次我差啲瞓到返車廠，好彩就到之前我衝落樓梯司機先見到我，最後喺附近放低咗我先走到」。