【點新聞報道】久違香港舞台25年的謝霆鋒，昨晚（24日）終於在啟德體育園開唱，更斥資2000萬打造舞台機關，又先後登上3層樓高的巨型鐵球及移動的舞台機關頂獻唱，且零死角讓全場觀眾看到，全場high爆。
霆鋒首場掀起集體回憶，全晚唱足29首金曲，喚起萬人青春回憶。霆鋒是次演出没換過衫、沒嘉賓，一人獨撐全場，4萬幾人同樣超盡興。霆鋒今日（25日）亦發出多張靚相，留言：「廿幾年嚟一直唔願意開平凡嘅『集體回憶』，直到同團隊精心設計、完成滿意嘅舞台（淨係舞台燈就超過2800盞），先至敢獻畀大家今次嘅演唱會，希望帶畀你們嘅體驗係獨一無二。一起寫下華人香港演唱會開館的新一頁，thank you bro。」
男神開騷，吸引到大批圈中人朝聖，當中就有好友容祖兒，蔡卓妍，關智斌，高海寧，莊思敏，蔡潔，MIRROR成員Anson Kong、Stanley、Jer、Jeremy、Alton，任達華，Gin Lee（李幸倪），泳兒，VIVA，洪永城夫婦，沈震軒，周柏豪等，星光熠熠。
容祖兒亦曬出同蔡卓妍等合照，留言直指為男神而養聲失敗，因為她稍後去澳門開騷，需要養聲，怎料因為霆鋒騷而嗌到差點失聲，「霆鋒講好以為淨係佢喺台上唱到索氣，佢哋喺做觀眾都爭啲跟唱到斷氣，全晚又激動又感動，我都唔知自己想點。想當日第一次聽《無聲仿有聲》，我只係剛剛加入公司小丫頭，見到你個背影都畀你嚇親，但係總結咁多年後，你係我見過最好嘅男人之一，經過咗今晚全場觀眾為你歡呼喝彩，相信大家等了25年都值得！我哋一家人為你驕傲！唯一不滿意就係你明明應承咗我哋唱嘅《壞習慣》究竟去咗邊呢？呢個壞習慣要改啦⋯⋯」
高海寧亦有曬出睇騷時大合照，當中《玉蝴蝶》等金曲，連沈震軒都話自己由頭跟唱到尾，首首都識唱，藝人們都投入到不能自我。
（點新聞特約記者陳惠芳報道）
收藏
取消收藏
分享
