英國泊位遭種族歧視　吳志森唔識英文龜縮

【點新聞報道】已移民英國的前港台節目《頭條新聞》主持吳志森，日前在個人YouTube頻道上連日大呻遭到種族歧視，不過就只限龜縮在網絡世界，在現實世界中卻連一個英文屁都唔敢放。

網台節目「巴別突擊塔3.1」近日喺fb專頁大爆吳志森醜行，指對方在英國因泊車問題，被白人講一句「Go back to China」後，就老羞成怒連日發文炮轟，「因為自己泊車自Ｘ私阻住人，比個白人講一句『Go back to China』，廢老森經已拍到第三條片Ｘ人地種族歧視佢……睇嚟佢真係好Ｘ嬲」。

帖文又諷刺吳志森龜縮，「好笑嘅係，明明Ｘ佢條友係講英文，條廢老卻係連一個英文屁都唔敢放，只敢不停拍廣東話片恐嚇同Ｘ柒移英港人，仲要癲Ｘ到話『言論自由唔係無邊無際，響英國第一課就要學識當地有咩講咗要坐監』」。

翻查吳志森的個人YouTube頻道，就發了多段影片大呻種族歧視，包括「點解咁多移民港人對歧視無知兼麻木？『寄人籬下』就要硬食？兩個實例本地人點應對歧視，如何做個不亢不卑嘅新移民！」、「由真人真事改編嘅劇集，帶你認識英國嘅種族問題，唔好做『我唔知、我唔識、我未見過』嘅荷蘭叻！」、「移民外國有冇遇過種族歧視？世界各國聽眾來電講經歷，各種各樣有明有暗。啞忍只會愈嚟愈嚴重！」。

不少網民都紛紛留言揶揄，「以前揸住雞毛當令箭去挖苦別人。佢誤會自己有料啫。實情佢非常平庸，目光短淺。」、「好多佢呢自命香港精英都係呢啲心態，一見到紅鬚綠眼即時淆底 」、「其實係佢未開得切google translate去駁番人嘴」。

吳志森昔日於《頭條新聞》節目中飾演「太后」一角，與曾志豪飾演的奴才「小豪子」蛇鼠一窩，極盡惡俗低劣之趣味。